Fakte

5 Lëngjet më të shtrenjta në botë

Shkruar nga Faktoman

Jemi mësuar të mendojmë për sendet e “çmuara” si argjendi, ari dhe platini. Për shembull ari është ndoshta metali i çmuar më i famshëm, me një çmim mesatar pej 31.000 euro/kg (31 euro për gram). Por siç do ta shihni më poshtë, në botë ekzistojnë disa lëngje, vlera e të cilave për litër shkon deri në disa miliona dollarë…

Helmi i akrepit. Çmimi:13.300.000 euro litri

Lëngu më i shtrenjtë në mënyrë absolute është helmi i akrepit. Të gjithë akrepat, rreth 1600 specie, janë helmues, duke përfshirë 25 prej tyre që janë vdekjeprurës. Çmimi i helmit të këtyre araknidëve është kaq i lartë, për shkak se ai përdoret në mjekësi për të trajtuar mosfunksionimin e disa organeve.

Helmi i llojeve të ndryshme të akrepave, është përdorur në shekullin XIX për të trajtuar bllokimin e rrugëve urinare. Më vonë u zbulua se helmi zotëron veti analgjezike, anti-inflamatore dhe imunitare. Ai përmban gjithashtu përmban peptide të vogla, me aktivitet antimikrobial dhe antiparazitar.

Helmi i Kobrës Mbretërore. Çmimi:53.000 euro litri

Kobra Mbretërore jeton në Lindje, kryesisht në Indinë Veriore, Kinë, Filipine dhe Indonezi. Mjedisi ideal përbëhet nga plantacionet e bambuve, në afërsi të zonave bujqësore dhe orizoreve. Me një gjatësi maksimale prej 3 metrash, ai është gjarpri më i madh helmues në tokë. Gjëndra e saj e helmit është shumë e zhvilluar, dhe prodhon një substancë tejet vdekjeprurëse. Helmi i kobrës është përdorur për shumë vite në studimet mjekësore kundër kancerit, por edhe si një ilaç me efekt të shquar analgjezik (që e tejkalon 20-200 morfinën), për shkak të veprimit neurotoksik të helmit.

Insulina. Çmimi:12.000 euro litri

Insulina (nga latinishtja insula që do të thotë “ishull”, për shkak se prodhohet në Ishujt e Langerhansit në pankreas), u zbulua në vitin 1921 nga anglezi Xhon Xhejms Meklod dhe kanadezi Frederik Grant Bating, Çmimi Nobel për Mjekësi në vitin 1923. Ajo është një hormon që si detyrë kryesore zvogëlimin e përqendrimit të sheqerit në gjak, dhe rregullon metabolizmin e karbohidrateve. Në kushte normale ky hormon, hyn në gjak, ku funksionon si një “çelës” i nevojshëm për të futur glukozën në brendësi të qelizave. Kjo shpjegon se pse mungesa e insulinës shoqërohet me një rritje të sheqernave të pranishme në gjak, një dukuri kjo tipike e diabetit. Për këtë arsye, u pa e nevojshme të krijoheshin barna të ngjashme me insulinën njerëzore, duke punuar kryesisht në fushën e bioteknologjisë.

Essence Chanel N ° 5. Çmimi:12.000 euro litri

Chanel N ° 5, është një parfum që u bë mit dhe një simbol i statusit social, dhe është aroma më e shitur në botë. Ajo u krijua në vitin 1921 kimisti Ernest Beo. Ky parfum i jashtëzakonshëm, përmban mes të tjerash limon, jasemin, zambak dhe vanilje. Promovuesja e këtij parfumi ishte sigurisht stilistja e mirënjohur franceze Coco Chanel, ndërsa ambasadorja e parë Merilin Monro, ikona e sensualitetit femëror të viteve 1950.

Reklamueset e Chanel N ° 5 janë të ndryshëm, dhe të gjithë të famshëm dhe të bukur: nga Kendis Bergen në vitet 1960, Katerin Dënëv në vitet 1970, deri tek Nikol Kidman dhe Odri Tatu në vitet. 2000. Nga meshkujt, promovuesi i parë është aktori Bred Pit.

Mërkuri. Çmimi: 1.100 euro litri

Mërkuri është i vetmi metal, që është njëherazi i lëngshëm në temperaturë të zakonshme. Ai quhet shpesh në gjuhën popullore edhe zhivë. Mërkuri metalik, përdoret në një shumëllojshmëri produktesh shtëpiake si barometrat, termometrat dhe llambat fluoreshente. Zhiva në këto pajisje është e bllokuar, dhe zakonisht nuk shkakton ndonjë problem shëndetësor. Por Mërkuri është më i paqëndrueshmi nga të gjitha metalet, dhe avujt e tij kanë një toksicitet të lartë, që përmes mushkërive përhapen në sistemin e qarkullimit të gjakut, duke depërtuar deri në tru, të cilit i shkakton dëmtime serioze. Pavarësisht nga mungesa e kërkesës së madhe, zhiva është ende shumë e shtrenjtë.

Gjithashtu mund të lexoni: