Femra Shëndet

Ndryshimet në trup pas lindjes për të cilat femrat kanë turp

Shkruar nga Faktoman

Çdo lindje lenë gjurmë në trupin e gruas, te disa ndryshimet janë më të dukshme, kurse te disa më pak

Trupi pas lindjes kalon nëpër shumë ndryshime, nga të cilat nuk janë të gjitha të këndshme, kurse prej disave gratë madje kanë turp.

Nuk janë vetëm strijat, hemoroidet dhe lëkura e zgjatur me të cilat përballen gratë pas lindjes.

Këto janë ndryshime për të cilat gratë rrallëherë flasin, sepse kanë turp.

Vagina mund të bëhet tepër e madhe për tampon

Pas paraqitjes së menstruacionit të parë, mos tentoni të përdorni tampon, sepse është e mundshme të përjetoni përvojë të pakëndshme. Mos u brengosni, kjo gjendje është e përkohëshme dhe mund të zgjasë disa muaj pas lindjes.

Bëhet fjalë për pasojat e zgjatjes dhe zgjërimit të vaginës pas lindjes, të cilës i duhet kohë të kthehet në gjendjen normale.

Nuk arrini ta kontrolloni lëshimin e gasrave

Lindja lenë gjurmë në trupin tuaj, veçanërisht në pjesën e legenit dhe muskujt e tij. Ato bëhen më të dobëta se kanë qenë, gjë që mund të shkaktojë shfaqjen e pakëndshme të lirimit të gasrave, pa paralajmërim.

Kjo shfaqje është mjaft e shpeshtë, por lajmi i mirë është se muskujt gradualisht forcohen dhe kthehen në normalitet, kurse pakëndshmëritë zhduken.

Ndoshta edhe do të lageni në brekë

Përsëri bëhet fjalë për dobësimin e muskujve në zonën e legenit të cilët gjatë lindjes kalojnë nëpër ndryshime shumë të mëdha. Pikërisht për këtë shumë nëna të reja nuk mund ta kontrollojnë plotësisht fshikëzën.

Do të thotë se sa herë që teshtinë, kolliteni, ngritni peshë apo qesheni nga zemra dhe me zë, ka rrezik të lageni në brekë, së paku deri sa të forcohen muskujt.

Mund të rriten këmbët

Gjatë muajve të fundit të shtatzënisë shpesh këmbët enjten, kurse thembrrat zgjërohen dhe rriten, që pas lindjes kthehen në normalitet. Por mundet që thembrrat të mbeten pak më të mëdha se para lindjes.

Thembrrat mund të rriten madje për një numër dhe cila është arsyeja për këtë, për gratë dukuri e pakëndshme, as shkencëtarët nuk janë të sigurt.

Pjesët intime mund të ndryshojnë ngjyrën

Ndryshimet e forta hormonale që ndodhin në trup të nënave paraqiten në mënyra të ndryshme. Një nga këto është edhe nxirja e lëkurës rreth thithkave, si dhe rreth vaginës dhe anusit. Përderisa kjo dukuri te disa gra pas një kohe të caktuar zhduket, të tjerat duhet të pajtohen me këtë.